Lənkəran şəhər İcra Hakimiyyətinin başçısı Mamusta və Daşdalıqcar kəndlərinin sakinləri ilə görüşüb. Bu haqda bu gün, 23 fevral tarixində Cenublu.az Lənkəran ŞİH-yə istinadən xəbər verir.
Vətəndaşların maneəsiz, könüllü şəkildə fikir və istəklərinin rayon rəhbərliyinə çatdırılmasına tam şəraitin yaradıldığı qəbul-görüşdə T.Qaraşov İcra Hakimiyyətinin səlahiyyətlərinə aid olan obyektiv qaldırılan bütün məsələlərin yerindəcə həllinə göstərişlərini verib, həlli İcra Hakimiyyətinin səlahiyyətləri daxilində olmayan məsələlərlə bağlı aidiyyəti qurumlara müraciət olunması və vətəndaşlara nəticəsi barədə məlumat verilməsini səlahiyyətli şəxslərə tapşırıb.
Taleh Qaraşov səyyar görüşlərdə qaldırılan bütün məsələlərin həlli istiqamətində görülən işlər barədə ona məruzə olunduğunu, hər bir məsələnin icrasına həssaslıqla yanaşıldığını və nəticəsi barədə vətəndaşlara qanunamüvafiq müddətlərdə məlumat verildiyini vurğulayıb.
