Lənkəran şəhər İcra Hakimyyətinin başçısı Taleh Qaraşov şəhid Aqşin İbadov, Etiram Hüseynli və Emil Şıxəlizadənin məzarlarını ziyarət edib. Bu haqda məlumatı Cenublu.az bu gün, 21 oktyabr tarixində verir.
Mərasimdə icra başçısı ilə bərabər, icra aparatının rəsmi şəxsləri, rayon ictimaiyyətinin nümayəndələri və şəhid ailələrinin üzvləri iştirak ediblər. Taleh Qaraşov şəhidlərin ailə üzvləri ilə söhbət edib, qayğı və problemləri ilə yaxından maraqlanıb.
Qeyd edək ki, şəhid mayor Aqşin İbadov ölümündən sonra 3-cü dərəcəli “Rəşadət” ordeni, “Vətən uğrunda”, “Cəbrayılın azad olunmasına görə”, “Kəlbəcərin azad olunmasına görə”, “Xocavəndin azad olunmasına görə” və “Füzulinin azad olunmasına görə” medalları ilə təltif olunub.
Silahlı Qüvvələrin baş leytenantı Etiram Hüseynli ölümündən sonra “Vətən uğrunda”, “İgidliyə görə” və “Qubadlının azad olunmasına görə” medalları ilə təltif edilib.
Şəhid Emil Şıxəlizadə ölümündən sonra Ali Baş Komandanın sərəncamları ilə “Vətən uğrunda”, “Cəsur döyüşçü” və “Qubadlının azad olunmasına görə” medalları ilə təltif olunub.
