Cəlilabadda RFO-nun növbəti mərhələsinə adlamış şagirdlərlə görüş keçirilib. Bu haqda bu gün, 30 yanvar tarixində Cenublu.az Lənkəran-Astara Regional Təhsil İdarəsinə istinadən xəbər verir.
Görüşdə məktəb rəhbərləri və ixtisas müəllimləri iştirak ediblər. Tədbirdə ötən tədris ilində RFO-nun final mərhələsində uğur qazanıb Elm və Təhsil Nazirliyi tərəfindən mükafatlandırılan şagirdlər və onların müəllimləri çıxış edib, olimpiada barədə təəssüratlarını bölüşüblər. Sonda şagirdləri maraqlandıran suallar cavablandırılıb.
Qeyd edək ki, 2022/2023-cü tədris ilində Cəlilabad rayonu üzrə 128 şagird RFO-nun ikinci mərhələsində iştirak etmək hüququ qazanıb.
