Ötən il sentyabrın 13-də Ermənistan ordusunun təxribatının qarşısını alarkən şəhidlik zirvəsinə ucalan Əhədzadə Xəyal Əlövsət oğlunun ildönümü keçirilib. Bu haqda məlumatı Cenublu.az bu gün, 13 sentyabr tarixində verir.
Mərasimdə Lənkəran Şəhər İcra Hakimiyyətinin başçısı Taleh Qaraşov, icra aparatının kollektivi, hüquq-mühafizə orqanlarının rəhbərləri və ictimaiyyət nümayəndələri iştirak ediblər.
Xüsusi Təyinatlı Qüvvələrin giziri kimi döyüşlərdə iştirak edən şəhidin mərasimində iştirakçılar öncə şəhidin qəbrini ziyarət ediblər, məzarı önünə tər güllər düzüb, ruhuna dualar oxuyublar.
O, “Vətən müharibəsi iştirakçısı”, “Azərbaycan Bayrağı” və 3-cü dərəcəli “Rəşadət” ordenləri, “Vətən uğrunda”, “Füzulinin azad olunmasına görə”, “Cəbrayılın azad olunmasına görə”, “Kəlbəcərin azad olunmasına görə” və “Şuşanın azad olunmasına görə” medalları ilə təltif edilib.
