Lənkəran şəhər Heydər Əliyev Mərkəzinin əməkdaşları Vətən müharibəsində şəhidlik zirvəsinə yüksələn Mirməhəmmədəli Tərlan oğlu Rzazadənin üçüncü ildönümü ilə əlaqədar ailəsini ziyarət ediblər. Bu haqda məlumatı Cenublu.az bu gün, 20 oktyabr tarixində verir.
Mərasimdə şəhidimizin keçdiyi şərəfli döyüş yolundan danışılıb, xatirəsinə dualar oxunub.
Qeyd edək ki, Mirməhəmmədəli Rzazadə 13 iyul 1997-ci ildə Lənkəran rayonunun Şilavar kəndində anadan olub. Vətən müharibəsində Cəbrayıl döyüşləri zamanı şəhid olub. Ölümündən sonra “Vətən uğrunda”, “Cəsur döyüşçü”, “Cəbrayılın azad olunmasına görə” və “Qubadlının azad olunmasına görə” medalları ilə təltif olunub.
