Şəhid Pəncəli Teymurovun ailəsində körpə dünyaya gəlib.
Cenublu.az-ın verdiyi xəbərə görə, Astarada şəhid Pəncəli Teymurovun ailəsində körpə doğulub. Şəhidin qardaşı Famil Teymurovun övladı 9 Noyabr — Dövlət Bayrağı günü dünyaya göz açıb. Şəhidin anası Vahimə Teymurova deyir ki, şəhidin adını digər nəvəsinə qoyub:
"Arzum idi, iki dəfə Sovet İttifaqı qəhrəmanı Həzi Aslanovun adını də növbəti dünyaya gələn nəvəmə qoyum. Allah mənim arzumu yerinə yetirdi. Həzinin adını Familin oğluna qoydum. Arzu edirəm ki, balaca Həzi də şəhid Pəncəli kimi qəhrəman olsun, Həzi kimi qəhrəmanlıq, igidlik göstərsin".
Qeyd edək ki, Famil Teymurov şəhid Pəncəli Teymurovun kiçik qardaşıdır. Onun ikisi qız, ikisi oğlan olmaqla 4 övladı var.
Biz də Cenublu.az olaraq şəhid Pəncəli Teymurovun ailəsinə göz aydınlığı veririk. Arzu edirik ki, balaca həzi dövlətimizə, millətimizə xeyirli övlad olsun.
