Lənkəranda Rusiya vətəndaşının törətdiyi qəza nəticəsində piyada dünyasını dəyişib. Bu haqda bu gün, 30 yanvar tarixində Cenublu.az Report.az-a istinadən xəbər verir.
Hadisə Yeni Ələt - Astara - İran sərhədi avtomobil yolunun rayonun Boladi kəndi ərazisindən keçən hissəsində qeydə alınıb. Rusiya Federasiyası vətəndaşı, 61 yaşlı Temirbekov Arsen Maqomedsaidoviç idarə etdiyi "Volvo" markalı yük avtomobili ilə Astara rayonu istiqamətində hərəkətdə olarkən yolu keçmək istəyən piyada, 48 yaşlı Hüseynov Mərdan Təbriz oğlunu vurub. Nəticədə piyada aldığı xəsarətlərdən hadisə yerində ölüb.
Faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb, istintaq aparılır.
