Cəlilabad rayon İcra Hakimiyyətinin başçısı Rafiq Cəlilov növbəti səyyar qəbul-görüşünü Ocaqlı kənd sakinləri ilə keçirib. Bu haqda məlumatı Cenublu.az bu gün, 7 dekabr tarixində verir.
Görüşə rayon İcra Hakimiyyəti aparatının məsul şəxsləri, hüquq-mühafizə orqanlarının rəhbərləri, yerli idarə və müəssisələrin nümayəndələri cəlb olunublar.
Qəbulun keçirilməsində məqsəd vətəndaşların gündəlik qayğı və problemlərinin öyrənilməsi, onları narahat edən məsələlərin yerində araşdırılması, habelə obyektiv qaldırılan məsələlərin ədalətli həllinə nail olunmasıdır.
Belə ki, görüş zamanı yerli sakinlərin bütün istək və qayğıları dinlənilib və İcra Hakimiyyətinin səlahiyyətlərinə aid olan məsələlərin yerindəcə həll olunmasına dair göstərişlər verilib.
