Astara Rayon İcra Hakimiyyətinin başçısı Qəzənfər Ağayev sakinlərlə görüşü Asxanakəran kəndində keçirib. Bu haqda məlumatı Cenublu.az bu gün, 8 dekabr tarixində verir.
Səyyar qəbul-görüşdə rayonun idarə və müəssisələrinin rəhbərləri iştirak ediblər. Onlar ölkəmizin uğurlarından, vətəndaşlara olan diqqət və qayğıdan, düşmən üzərindəki qələbədən, Qarabağ torpağına səfərlər və böyük quruculuq işlərindən sonsuz qürur duyduqlarını bildiriblər.
Qəbul zamanı sakinlər kəndə təbii qaz xəttinin və internet şəbəkəsinin çəkilməsinə, Bəlbay körpüsündən kəndin qəbiristanlığına qədər olan 1500 metr yolun və kənd ara yollarının təmir edilməsinə, odun yanacağı ilə təminata, kənd sağlamlıq mərkəzində şəraitin yaradılmasına, gənclərin məşğulluğunun təmin edilməsinə, Asxanakəran kəndi ilə Bursut kəndləri arasında yeni qoyulmuş avtomobil körpüsündə tamamlanma işlərinin aparılmasına köməklik göstərilməsini xahiş ediblər.
Belə ki, görüşdə sakinlərin arzu və təklifləri dinlənilib, irəli sürdükləri məsələlərin həlli ilə əlaqədar müzakirələr aparılıb.
