Cəlilabad rayon sakini qanunsuz ov etdiyi üçün saxlanılıb. Bu haqda məlumatı Cenublu.az bu gün, 14 fevral tarixində Report.az-a istinadən verir.
Belə ki, Qızılağac və Şirvan milli parklarının əməkdaşları tərəfindən keçirilən nəzarət tədbirləri zamanı Zəvvar Ovçuluq Təsərrüfatının ərazisində qanunsuz ov edən brakonyer, Cəlilabad rayon sakini Cavid Nəhmətov saxlanılıb və ondan istifadəsi qadağan olunmuş ov alətləri götürülüb. Həmin şəxs barəsində qanunamüvafiq tədbir görülüb.
Həmçinin Qızılağac Milli Parkının “Kiçik Körfəz” adlanan ərazisindən 3000 metr uzunluğunda sintetik tor da yığışdırılıb.
