Xalq artisti Qabil Quliyevin səhnə fəaliyyətinin 50 illik yubileyinə həsr olunmuş tədbir keçiriləcək. Bu haqda məlumatı Cenublu.az bu gün, 19 oktyabr tarixində verir.
“Yarım əsrlik sənət yolum” adlı tədbir 20 oktyabr saat 14:00-da Cəfər Cabbarlı adına Azərbaycan Dövlət Teatr Muzeyində baş tutacaq.
Qeyd edək ki, Qabil Quliyev 19 aprel 1949-cu ildə Cəlilabad rayonunun Tahirli kəndində anadan olub. 1973-cü ildən Nəcəf bəy Vəzirov adına Lənkəran Dövlət Dram Teatrında aktyor vəzifəsində çalışır. 100-dən artıq tamaşada rol alıb. Bir neçə bədii filmə çəkilib. Lənkəran Dövlət Universitetində 12 il etika, estetika və kulturologiyadan dərs deyib. O, Xalq artisti Nurəddin Mehdixanlının böyük qardaşıdır.
