Fransa Senatının erməni lobbisinin təzyiqi altında Azərbaycana qarşı tətbiq etmək istədiyi sanksiyalara qarşı yaradılmış petisiyanı artıq 17.000 insan imzalayıb.
Qeyd edək ki, 3 oktyabr 2022-ci il tarixində Senatın 6 üzvü tərəfindən irəli sürülən qətnamə 15 noyabr tarixinə müzakirəyə çıxarılacaq. Bu sənəddə Azərbaycan aqressor ölkə adlandırılır, “kütləvi və hərbi cinayətlərdə” ittiham olunur. Burada, həmçinin Fransa hakimiyyətinin və digər Avropa İttifaqı ölkələrinin “Azərbaycandan idxal edilən qaz və neftə embarqo tətbiq etmək” çağırışı da yer alıb.
Bu səbəbdən 10 vətənpərvər soydaşımız Fransanın www.mesopinions.com adlı petisiya saytında petisiya yerləşdirib.
Bu petisiyanı imzalamaqla biz bir xalq olaraq birliyimizi və həmrəyliyimizi nümayiş etmiş oluruq!
Səs vermək üçün bir neçə saniyənizdən keçib sayta daxil olmaq kifayətdir.
Petisiyanı imzalama təlimatı ilə tanış olmaq üçün keçidə daxil ola bilərsiniz.
