Bu gün Masallı rayonundan olan şəhid Musa Mustafayevin xatirəsi anılır.
Azərbaycan Silahlı Qüvvələrinin əsgəri, İkinci Qarabağ müharibəsi şəhidi Musa Mustafayev 2001-ci il 23 mart tarixində Xoşçobanlı kəndində anadan olub.
O, Vətən müharibəsi zamanı Füzuli rayonunun azad edilməsi uğrunda gedən döyüşlərdə iştirak edib və 2020-ci il oktyabrın 7-də qəhrəmancasına şəhid olub. Musa Mustafayev Masallı rayonunda torpağa tapşırılıb.
"Vətən uğrunda", "Cəsur döyüşçü" və "Füzulinin azad olunmasına görə" medalları ilə təltif edilib.
