Lənkəran Dövlət Aqrar İnkişaf Mərkəzində tədbir baş tutub. Bu haqda bu gün, 16 fevral tarixində Cenublu.az Əkinçilik Elmi Tədqiqat İnstitutuna istinadən xəbər verir.
Tədbir Kənd Təsərrüfatı Nazirliyinin (KTN) tabeliyində fəaliyyət göstərən Dövlət Toxum Fondunun (DTF) təşkilatçılığı ilə keçirilib.
Məqsəd DTF-nin və Əkinçilik Elmi-Tədqiqat İnstitutunun nümayəndə heyətinin Pakistan İslam Respublikasına səfəri nəticəsində oradan gətirilən çəltik sortlarının toxumlarının introduksiya olunması, həmin sortların ölkəmizdə müxtəlif iqlim şəraitlərinə uyğunluğu, eləcə də zərərvericilərə və xəstəliklərə davamlı sortların müəyyən edilməsi məsələlərinin müzakirə edilməsindən ibarət olub.
Qeyd edək ki, tədbirdə Lənkəran Dövlət Aqrar İnkişaf Mərkəzinin, Dövlət Toxum Fondunun, Masallı DAİM-in, Astara DAİM-in nümayəndələri, çəltikçiliklə məşğul olan mütəxəssislər, bölgə fermerləri iştirak ediblər.
