Regional Meşə Təsərrüfatı Mərkəzlərinin xidməti ərazilərində iyul ayının əvvəlindən bu günədək torpaq hazırlığı işləri aparılır. Bu haqda məlumatı Cenublu.az bu gün, 12 sentyabr tarixində verir.
Belə ki, Lənkəran rayonunun 15, Cəlilabad rayonunun isə 24 meşə fondu ərazisində torpaq hazırlığı işləri görülüb. Payız əkin planına uyğun olaraq sözügedən rayonların meşə ərazilərində Regional Meşə Təsərrüfatı Mərkəzlərinin tinglik sahələrində yetişdirilən ağcaqayın, qarağac, çinar, cökə, göyrüş, akasiya, palıd, fıstıq, vələs və digər ağac növləri əkiləcək, toxumlar səpiləcək.
