Millət vəkili Məşhur Məmmədovun komandası şəhid ailələrini ziyarət edib. Bu haqda bu gün, 4 fevral tarixində Cenublu.az Masallı Xəbərlərinə istinadən xəbər verir.
Məşhur Məmmədovun tapşırığına əsasən, köməkçiləri Əli Nağıyev, Hekayət Nəzərov, Rəmzi Şahverdiyev və "Masallı Təhsil Fondu"nun direktoru Hüseyn Hüseynov mütəmadi olaraq aztəminatlı ailələrin qayğı və problemləri ilə yaxından tanış olmaq məqsədilə onları ziyarət edirlər.
Komanda Masallı rayonu, Şıxlar kəndinin sakinləri olan İbadova Güləbətin Əliağa qızı və Məmmədov Həşim Miri oğlunu ziyarət edib. Məşhur Məmmədovun tapşırığına əsasən, həmin ailələrin üzləşdiyi problemlər yerindəcə həllini tapıb. Ziyarət olunan ailələr də öz növbəsində onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə, Birinci vitse-prezident Mehriban xanım Əliyevaya və millət vəkili Məşhur Məmmədova təşəkkürünü bildiriblər.
