Masallı Tarix-Diyarşünaslıq Muzeyində “Uşaqlara dair Strategiyanın həyata keçirilməsi üzrə 2020-2025-ci illər üçün Fəaliyyət Planı”nın icrası ilə əlaqədar uşaqların zərərli informasiyalardan qorunması məqsədilə “Zərərli vərdişlər sağlamlığa qəsddir” adlı tədbir keçirilib. Bu haqda məlumatı Cenublu.az bu gün, 17 fevral tarixində Masallı Regional Mədəniyyət İdarəsinə istinadən verir.
Tədbirdə Bəyalı Məmmədov adına Böyük Xocavar kənd tam orta məktəbinin müəllim və şagirdləri iştirak ediblər. Muzeyin direktoru Əntiqə Tağıyeva zərərli vərdişlər və onların məhvedici sonluğu, bu vərdişlərin cəmiyyətin qlobal xəstəliyinə çevrilməsindən danışıb.
Sonra Masallı Dövlət Rəsm Qalereyasının direktor vəzifəsini icra edən Təhmasib Məcidov, Böyük Xocavar məktəbinin müəllimi Xədicə Balakişiyeva və Həlimə Məlikova çıxışlarında zərərli vasitələrdən istifadə adətinin yeniyetməlik dövründən başladığını, bu vasitələrdən istifadənin səbəbləri, yeniyetmələrin həyatına daxil olmaması üçün ailə və məktəb birliyinin vacibliyindən söhbət edərək uşaqlara tövsiyələr veriblər.
Yekunda şagirdlər muzey və qalereyaya ekskursiya ediblər.
