Azərbaycan Respublikasının Qida Təhlükəsizliyi Agentliyinin (AQTA) əməkdaşları Masallı rayonunda fəaliyyət göstərən ictimai iaşə obyektini cərimələyiblər. Bu haqda məlumatı Cenublu.az bu gün, 6 dekabr tarixində verir.
Rayonun Köhnə Alvadı kəndində yerləşən “Tural” kafesində agentlik əməkdaşları plandankənar yoxlama keçiriblər. Monitorinq zamanı kafedə saxlama müddəti bitmiş ərzaq məhsulları və 24 litr saxta əmtəə nişanlı süni istehsal olunmuş spirtli içkilər aşkar edilib. Nəticədə obyekt sahibinə qarşı inzibati protokol tərtib edilib və yararsız məhsulların məhdudlaşdırılması və məhv edilməsi barədə qərar qəbul olunub.
Araşdırmalar davam etdirilir.
