Masallı RİH-nin başçısı Araz Əhmədov Masallı Rayon İcra Hakimiyyətinin inzibati binasında vətəndaşları dinləyib. Bu haqda məlumatı Cenublu.az bu gün, 26 iyul tarixində verir.
Görüşə RİH başçısı aparatının məsul əməkdaşları, hüquq mühafizə orqanları rəhbərləri, rayonun idarə, müəssisə və təşkilat rəhbərləri, icra hakimiyyəti başçısının şəhər, qəsəbə və kənd inzibati ərazi dairəsi üzrə nümayəndələri və bələdiyyə sədrləri cəlb olunublar.
Qəbulda 35 nəfərə yaxın vətəndaş müraciətlərini səsləndirib. Onların bütün müraciət və təklifləri diqqətlə dinlənilib, qeydiyyatı aparılıb.
Araz Əhmədov görüşü yekunlaşdıraraq, qaldırılan məsələlərin həlli istiqamətində müvafiq qurumlara tapşırıqlar verib.
