Masallı Rayon İcra Hakimiyyətinin (RİH) başçısı Araz Əhmədov İcra Hakimiyyətinin inzibati binasında səyyar qəbul keçirib. Bu haqda məlumatı Cenublu.az bu gün, 21 oktyabr tarixində verir.
Qəbulda RİH başçısı aparatının məsul əməkdaşları, hüquq-mühafizə orqanları rəhbərləri, rayonun idarə, müəssisə və təşkilat rəhbərləri, icra hakimiyyəti başçısının şəhər, qəsəbə və kənd inzibati ərazi dairələri üzrə nümayəndələri və bələdiyyə sədrləri iştirak ediblər.
30 nəfərə yaxın vətəndaşın iştirak etdiyi qəbulda sakinlərin bütün müraciət və təklifləri diqqətlə dinlənilib və qeydiyyatı aparılıb. Sonda qaldırılan məsələlərin həlli istiqamətində müvafiq qurumlara tapşırıqlar verilib.
