Masallı şəhər 2 nömrəli tam orta məktəbdə “Narkomaniya və erkən nikahlara yox deyək!” mövzusunda maarifləndirici görüş təşkil edilib. Bu haqda məlumatı Cenublu.az bu gün, 8 fevral tarixində verir.
Çıxış edən Masallı Rayon Polis Şöbəsinin rəisi, polis polkovniki Azay Ağayev “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”nın əhəmiyyətindən danışıb və narkomaniya əleyhinə aparılan işlərin hər zaman diqqət mərkəzində olduğunu, bu istiqamətdə məqsədyönlü tədbirlərin həyata keçirildiyini nəzərə çatdırıb.
Masallı RİH başçısının müavini Aybəniz Qafarova, Masallı rayon Gənclər və İdman İdarəsinin rəisi Sabiq Cahangirov, Lənkəran-Astara regional Təhsil İdarəsinin Masallı rayonu üzrə Təhsil sektorunun müdiri Qoşqar Hətəmov isə erkən nikaha daxil olma kimi neqativ halların ağır nəticələrindən danışıblar.
Sonda mövzularla əlaqəli videoçarxlar izlənib və şagirdləri maraqlandıran suallar cavablandırılıb.
[caption id="attachment_33221" align="alignnone" width="336"]
DİN[/caption]
