Ekologiya və Təbii Sərvətlər Nazirliyinin əməkdaşları tərəfindən Masallıda meşə əkini həyata keçirilir. Bu haqda bu gün, 3 yanvar tarixində Cenublu.az nazirliyə istinadən xəbər verir.
Meşələrin İnkişafı Xidmətinin rəsmisi Cabbar Qəribov bildirib ki, hazırda Regional Meşə Təsərrüfatı Mərkəzlərinin əməkdaşları ölkə ərazisində əlverişli hava şəraitindən istifadə edərək bayram günlərində meşəbərpa tədbirləri aparırlar.
O qeyd edib ki, hazırda rayonlarda ümumilikdə 15 hektar sahədə tut, akasiya, ağcaqayın, göyrüş ağacları əkilir, palıd toxumu səpilir.
Həmçinin bildirilib ki, Lənkəran, Şəmkir, Sabirabad, Ağcabədi, Göygöl, Quba, Qəbələ və digər rayonların meşə sahələrində də meşəbərpa tədbirlərinin aparılması məqsədilə torpaq hazırlıq işləri yerinə yetirilir.
Qeyd edək ki, bərpa işləri Siyəzən, Şamaxı, Şəki və Bərdə rayonlarında da həyata keçirilir.
