Daha öncə xəbər verdiyimiz kimi, Masallıda 17 yaşlı gənc qızın doğuş zamanı körpəsinin ölümü qeydə alınıb.
Məsələ ilə bağlı bəzi təfərrüatlar məlum olub. Belə ki, Masallı rayonu, Təklə kənd sakini, 2007-ci il təvəllüdlü Səfurə Elvin qızı Qubadova 40 həftəlik dölün (USM-ə görə 36 həftəyə uyğun) bətndaxili ləngiməsi, dölyanı mayenin azlığı diaqnozu ilə Masallı Rayon Mərkəzi Xəstəxanasının Doğuş və ginekologiya şöbəsinə daxil olub. Cinsi qız, çəkisi 2,8 kq, boyu 49 sm çəkidə ölü uşaq doğulub.
Məlum olub ki, körpənin atası ötən il Səfurə Qubadovanı qaçırıb. Ata daha sonra Azərbaycan Respublikasının Cinayət Məcəlləsinin 152-ci maddəsi (On dörd yaşına çatmış, lakin on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) ilə cinayət məsuliyyətinə cəlb edilib. O, cəzasını çəkib və azadlığa buraxılıb.
Qeyd edək ki, Baş Prokurorluq hadisə ilə bağlı araşdırma aparır.
