Masallıda it örüş sahəsində olan kişiyə hücüm edib. Bu haqda bu gün, 25 fevral tarixində Cenublu.az Apa.az-a istinadən xəbər verir.
Hadisə rayonun Viləş kəndi ərazisində baş verib. Kənd sakini Ceyhun Fərəcov kənd sakinlərindən birinə məxsus itin hücumuna məruz qalıb. İtin Fərəcovun bədəninin müxtəlif nahiyələrindən dişləməsi nəticəsində həmin şəxs ölüb.
İt həmin vaxt orada olan Elməddin Məmmədov və Musa Kasımovu da bədənlərinin müxtəlif nahiyələrindən dişləyib. Həmin şəxslər Masallı Rayon Mərkəzi Xəstəxanasına yerləşdiriliblər.
DİN-in mətbuat xidmətinin Lənkəran regional qrupundan bildirilib ki, C.Fərəcovun it dişləməsindən ölməsi, digər iki şəxsin isə it dişləməsi diaqnozu ilə xəstəxanaya daxil olması ilə bağlı müvafiq ekspertizalar təyin edilib.
Faktla bağlı araşdırma aparılır.
