Masallıda 2 fevral - Azərbaycan Gəncləri Gününə həsr olunmuş “Heydər Əliyev və Azərbaycan gəncliyi” mövzusunda dəyirmi masa keçirilib. Bu haqda məlumatı Cenublu.az bu gün, 31 yanvar tarixində Masallı rayon Gənclər və İdman İdarəsinə istinadən verir.
Tarix-Diyarşünaslıq muzeyində keçirilən tədbirdə təşkilatçı müəssisələrin əməkdaşları, qazilər və gənclər iştirak ediblər. Əvvəlcə şəhidlərin əziz xatirəsi bir dəqiqəlik sükutla yad olunub.
Tədbiri giriş sözü ilə açan muzeyin direktoru Əntiqə Tağıyeva Gənclər Günü münasibətilə bütün Azərbaycan gənclərini təbrik edərək 2 fevral - Azərbaycan Gəncləri Gününün tarixindən danışıb.
Sonra Masallı Gənclər və İdman İdarəsinin rəisi Sabiq Cahangirov, qazi Talıb Qəzənfərli, Gənclərin İnkişaf və Karyera Mərkəzinin Masallı nümayəndəliyinin direktoru Aynur Tağıyeva, GİKM-in Masallı nümayəndəliyinin tədbirlər və layihələr üzrə mütəxəssisi Məlik Nuriyev mövzu ilə bağlı fikirlərini ifadə ediblər.
Yekunda bir qrup gəncə təşkilatçılar tərəfindən “Təşəkkürnamə”lər təqdim olunub.
