Masallı rayon Mərkəzi Kitabxanasında ümummilli lider Heydər Əliyevin Azərbaycan SSR Kommunist Partiyası Mərkəzi Komitəsinin birinci katibi seçilməsinin ildönümü ilə əlaqədar “Böyük dövlət adamı Heydər Əliyev” adlı tədbir keçirilib. Bu haqda məlumatı Cenublu.az bu gün, 16 iyul tarixində verir.
Tədbirdə bildirilib ki, Heydər Əliyev Azərbaycanın milli tarixində özünəməxsus yer tutan elə nadir şəxsiyyətlərdəndir ki, onun zəngin irsi hələ uzun müddət politoloqların, filosofların, tarixçilərin və tədqiqatçıların diqqət mərkəzində olacaq. Çıxışlarda qeyd edilib ki, dahi şəxsiyyət Heydər Əliyev 60-cı illərin axırlarında hakimiyyətə gələndə Azərbaycan iqtisadi və mədəni tənəzzül dövrü yaşayırdı. Məhz Heydər Əliyevin gəlişi ilə cəmiyyət həyatının bütün sahələrində sürətli yüksəliş, milli ruhun inkişafı və mənəviyyatın tərəqqisi dövrü yaşandı.
