Masallıda 17 yaşlı Səfurə Qubadovanın ölü döl diaqnozu ilə Masallı Rayon Mərkəzi Xəstəxanasına daxil olması faktı ilə bağlı Masallı Rayon Prokurorluğunda araşdırma aparılır. Bu haqda məlumatı Cenublu.az bu gün, 16 iyul tarixində verir.
TƏBİB-dən bildirilib ki, iyulun 15-də Masallı rayonu, Təklə kənd sakini Qubadova Səfurə Elvin qızı Rayon Mərkəzi Xəstəxanasının Doğuş və ginekologiya şöbəsinə daxil olub.
Qeyd olunub ki, anaya 40 həftəlik dölün (USM-ə görə 36 həftəyə uyğun) bətndaxili ləngiməsi, dölyanı mayenin azlığı diaqnozu qoyulub. O, müayinə olunduqdan sonra daha ixtisaslı tibbi yardım üçün təcili tibbi yardım ilə saat 15:45-də Lənkəran Regional Perinatal Mərkəzinə göndərilib.
Bildirilib ki, pasiyent qeyd olunan xəstəxanada yatmaqdan imtina edib və bu gün ölü döl diaqnozu ilə yenidən xəstəxanaya daxil olub. Saat 05:30-da cinsi qız, çəkisi 2,8 kq, boyu 49 sm çəkidə ölü körpə doğulub.
