Masallı şəhərindəki yaşayış binalarında təmir işləri görülür. Bu haqda məlumatı Cenublu.az bu gün, 25 oktyabr tarixində Masallı rayon İcra Hakimiyyətinə istinadən verir.
Belə ki, şəhərin Qarabağ küçəsində 8, 9, 10, 15 nömrəli yaşayış evlərinin təmirinə başlanılıb. Binaların fasadı rənglənir, giriş bloklarında suvaq işləri görülür. Eyni zamanda binaların qarşısındakı meydançalarda ünvansız tikililər, su çənləri, asılqanlar sökülür.
Qeyd edək ki, sakinlərin istirahəti üçün, həmçinin “abad məhəllə” yaradılır.
