Masallı sakininin bağırsaqlarında müayinə zamanı yad cisim tapılıb. Bu haqda məlumatı Cenublu.az bu gün, 20 oktyabr tarixində Lent.az-a istinadən verir.
Belə ki, mədə-bağırsaq sistemindən şikayətçi olan xəstə müayinə üçün Bakıdakı özəl klinikaların birinə müraciət edib. Müayinə zamanı onun kor və qalxan çənbər bağırsaqlarının proyeksiyasında iki ədəd 3 mm ölçüdə metal yad cisim tapılıb. Həmin yad cisimlərin isə güllə qırmaları olduğu üzə çıxıb.
Məlum olub ki, Masallı sakini olan ortayaşlı kişi bir neçə gün əvvəl ovladığı qaşqaldağı yeyib. Tələsik yediyindən ov ətindəki qırmaları da udub.
Hazırda qırmaların onun bağırsaqlarından çıxarılması üçün tədbirlər görülür.
