Masallı rayonundan olan nümayəndələr Beyləqan rayonunda dəfn olunan, əslən Masallı rayonunun Qızılağac kəndindən olan şəhid Əliyev Pərvin Vüqar oğlunun ildönümündə iştirak ediblər. Bu haqda məlumatı Cenublu.az bu gün, 29 sentyabr tarixində Masallı RİH-yə istinadən verir.
Beyləqan rayonunun Qəhrəmanlı kəndində təşkil olunmuş şəhidin ildönümü mərasimində Masallı RİH başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Nurlan Muradov, Masallı RİHB-nin Qızılağac kənd inzibati ərazi dairəsi üzrə nümayəndəsi Elşad Abbasov, Qızılağac bələdiyyəsinin sədri Şamil Məmmədov, Qızılağac kənd məktəbinin direktoru və kənddən olan bir qrup kənd sakini iştirak ediblər.
Nümayəndələr şəhidin məzarını ziyarət edərək, önünə əklil və gül dəstələri düzərək ruhuna dualar oxuyublar.
