Masallı rayonunun Kolatan kəndində Azərbaycan Silahlı Qüvvələrinin əsgəri, Vətən müharibəsinin şəhidi Əli Turac oğlu Quliyevin anım mərasimi keçirilib. Bu haqda məlumatı Cenublu.az bu gün, 1 noyabr tarixində Masallı rayon İcra Hakimiyyətinə istinadən verir.
Anım mərasimində Masallı Rayon İcra Hakimiyyətinin başçısı Araz Əhmədov və aparatı, hüquq-mühafizə orqanlarının rəhbərləri, YAP Masallı Rayon Təşkilatının fəalları, ağsaqqallar, qazilər, din xadimləri, şəhid ailələri, kənd sakinləri və jurnalistlər iştirak ediblər.
Şəhidimizin ailəsini ziyarət edən icra başçısı və qonaqlar ailənin qayğıları ilə maraqlanıb və hər zaman onların yanında olduqlarını bildiriblər.
