Araz Əhmədov vətəndaşların növbəti səyyar görüş-qəbulunu keçirib. Bu haqda bu gün, 10 fevral tarixində Cenublu.az Masallı RİH-yə istinadən xəbər verir.
Görüş Təzəkənd sakinləri ilə baş tutub. Səyyar görüş-qəbulda rayonun idarə, müəssisə və təşkilatlarının rəhbərləri, şəhid ailələri, qazilər, din xadimləri, ağsaqqallar, ziyalılar və kənd sakinləri iştirak ediblər.
İlk növbədə ulu öndər Heydər Əliyev və ölkəmizin ərazi bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.
Sonra Masallı Rayon İcra Hakimiyyətinin başçısı Araz Əhmədov qəbula gələnləri salamlayıb və səyyar görüş-qəbulunu açıq elan edib. İcra başçısı Masallı RİHB aparatının Ərazi idarəetmə və yerli özünüidarəetmə orqanları ilə iş şöbəsinin müdiri Tohid Hüseynov Təzəkənd ərazisində rayon rəhbərinə sakinlərin ötən görüş zamanı etdikləri müraciətlərin həlli vəziyyəti ilə bağlı məlumat verib.
Rayon rəhbəri qəbula gələn vətəndaşları narahat edən məsələlərlə bağlı müraciətlərini dinləyib, qaldırılan məsələlər barədə vətəndaşların müraciətinə həssaslıqla yanaşaraq qaldırılan məsələlərin həlli istiqamətində müvafiq qurumlara tapşırıqlar verib.
Qəbulda qaldırılan məsələlərdən bir neçəsi dərhal yerində həll olunub, digər məsələlər barəsində müraciət edən vətəndaşlara qanunamüvafiq izahat verilib.
[caption id="attachment_33338" align="alignnone" width="336"]
Masallı RİH[/caption]
