Masallı rayonunun Cəlal Kazımov adına Qodman kənd tam orta məktəbində məktəbin 9-11-ci sinif şagirdlərinin iştirakı ilə maarifləndirici tədbir keçirilib. Bu haqda məlumatı Cenublu.az bu gün, 15 fevral tarixində Masallı rayon Gənclər və İdman İdarəsinə istinadən verir.
Belə ki, tədbir yetkinlik yaşına çatmayanlar tərəfindən törədilən cinayətlərin, həmçinin yetkinlik yaşına çatmayanların təzyiqlərə, məişət zorakılığına məruz qalma, cinsi və əmək istismarına təhrik edilmə, erkən nigaha cəlb olunma hallarının, yetkinlik yaşına çatmayanlar və gənclər arasında narkomanlığın qarşısının alınması məqsədilə keçirilib.
Tədbirdə Masallı RPŞ-in Xidmət üzrə rəis müavini, polis mayoru Elşən Talıbov, RPŞ-nin YT çatmayanlarla işi üzrə baş inspektoru Samid Əliyev, Gənclər və İdman İdarəsinin rəisi Sabiq Cahangirov, Masallı Təhsil Sektorunun baş məsləhətçisi Samid İslamov, məktəbin direktoru Ramiz Nuriyev və məktəbin şagird, valideyn və müəllim kollektivi iştirak ediblər.
