Masallının Güllütəpə ərazisində artezian quyusu qazılır. Bu haqda məlumatı Cenublu.az bu gün, 26 oktyabr tarixində Masallı rayon İcra Hakimiyyətinə istinadən verir.
Masallı rayon Güllütəpə kəndinin bir qrup sakini rayon İcra Hakimiyyətinin başçısı ilə görüşlərdə içməli suya olan ehtiyacları barədə müraciət edib. İcra başçısının təşəbbüsü, Viləşçay Sİİ köməkliyi və xeyriyyəçi insanların dəstəyi ilə ərazidə artezian quyusunun qazılmasına başlanılıb.
Yaxın günlərdə ərazinin içməli suya olan tələbatını ödəmək üçün artezian quyusunun istismara veriləcəyi planlaşdırılır.
