Lənkəranlı şagirdlər “Ekoloji təmiz məhsul və aqrobiomüxtəliflik” IV Respublika müsabiqəsinin qalibləri olublar. Bu haqda məlumatı Cenublu.az bu gün, 13 fevral tarixində verir.
Müsabiqənin yekun nəticəsinə görə, “Sitrus meyvələri” nominasiyası üzrə Lənkəran rayonu Xanbulan kənd tam orta məktəbinin şagirdləri Hüseynzadə Afət Bəhruz qızı I yerə, Bəgəliyeva Leyla Mirsalam qızı II yerə, Rüstəmzadə Sunay Aslan qızı III yerə layiq görülüblər.
Final mərhələsində iştirakına görə Lənkəran rayon Xanbulan kənd tam orta məktəbinin şagirdləri Əzizli Hüseyn Cəfər oğlu, İmanova Aysu Mahir qızı, Tahirova Həcər Məzahir qızı və Əkbərov Mirnatiq Vüqar oğlu diplomla təltif olunublar.
Sonda qaliblər diplom və qiymətli hədiyyələrlə mükafatlandırılıblar.
Qeyd edək ki, müsabiqə Azərbaycan Respublikası Elm və Təhsil Nazirliyinin dəstəyi, Ekologiya və Təbii Sərvətlər Nazirliyi və Kənd Təsərrüfatı Nazirliyinin birgə əməkdaşlığı çərçivəsində “Respublika Uşaq-Gənclər İnkişaf Mərkəzi” PHŞ-nin təşəbbüsü və təşkilatçılığı ilə 2023-cü ilin 9-10 fevral tarixlərində baş tutub.
