Ukraynanın Donetsk vilayətinin Rusiyanın nəzarəti altında olan Makeyevka şəhəri yaxınlığında əslən Lənkərandan olan Qəniyev Əhədulla Şirxan oğlu öldürülüb. Bu haqda məlumatı Cenublu.az bu gün, 5 dekabr tarixində Report.az-a istinadən verir.
Belə ki, Ə.Qəniyev Azərbaycanın Lənkəran rayonunda anadan olub və uzun illər Donetskdə yaşayıb.
Ə.Qəniyevi qondarma Donetsk Respublikası silahlıları qətlə yetiriblər. Silahlılar Makeyevka ətrafında yaşayan və uzun illərdir şəxsi təsərrüfatla məşğul olan soydaşımızı əvvəlcə qarət ediblər. Onun kiçiktutumlu avtobusu əlindən alınıb. Buna etiraz etdikdə isə o, silahlılar tərəfindən avtomatın qundağı ilə döyülərək öldürülüb.
