Lənkəran şəhər İcra Hakimyyətinin başçısı Taleh Qaraşov şəhid Hüseyn Bəşirzadənin məzarına baş çəkib. Bu haqda məlumatı Cenublu.az bu gün, 23 oktyabr tarixində verir.
Ziyarətdə icra başçısı ilə yanaşı, icra aparatının rəsmi şəxsləri, rayon ictimaiyyətinin nümayəndələri və şəhid ailələrinin üzvləri də iştirak ediblər. Onlar şəhidimizin məzarı önünə gül dəstələri qoyublar və ruhuna dualar oxuyublar. Burada Taleh Qaraşov şəhidin ailə üzvləri ilə söhbət edib, qayğı və problemləri ilə maraqlanıb.
Qeyd edək ki, Hüseyn Bəşirzadə ölümündən sonra “Vətən uğrunda”, “Cəsur döyüşçü”, “Cəbrayılın azad olunmasına görə” və “Qubadlının azad olunmasına görə” medalları ilə təltif olunub.
