Lənkəran şəhər Heydər Əliyev Mərkəzində "Tariximiz qürurumuzdur" layihəsi çərçivəsində Milli Qəhrəman Mübariz İbrahimovun doğum gününə həsr olunmuş "Mübariz ol sona qədər!" adlı anım mərasimi keçirilib. Bu haqda məlumatı Cenublu.az bu gün, 8 fevral tarixində verir.
Əvvəlcə iştirakçılar şəhidlərimizin xatirəsinə həsr olunmuş məktəblilərin rəsm əsərlərindən ibarət sərgi ilə tanış olublar. Daha sonra mərasim Heydər Əliyev Mərkəzinin akt zalında davam edib.
Anım mərasimində çıxış edənlər qəhrəmanımızın şərəfli həyat yolundan, Vətənə xidmətindən, sücaət və qəhrəmanlıqlarından danışıblar.
Tədbir məktəblilərin və bağça uşaqlarının ifasında ədəbi-bədii kompozisiya ilə davam edib.
