Lənkəranda 17 yaşlı oğlan intihara cəhd edib. Bu haqda məlumatı Cenublu.az bu gün, 6 dekabr tarixində Oxu.az-a istinadən verir.
Hadisə Lənkəran rayonunun Sütəmurdov kəndi ərazisində baş verib.
Lənkəran şəhər sakini olan 17 yaşlı R.P. rayonun Sütəmurdov kəndi ərazisindəki körpüdən özünü çaya atmaq istəyib. Həmin vaxt ərazidən keçən polis əməkdaşları bunu görüb və çevik şəkildə müdaxilə edərək intiharın qarşısını alıblar.
Lənkəran Şəhər Polis Şöbəsinin əməkdaşları yeniyetməni ailəsinə təhvil veriblər.
Faktı Daxili İşlər Nazirliyinin mətbuat xidmətinin Lənkəran regional qrupundan təsdiqləyiblər. Bildirilib ki, hazırda həmin məsələ ilə bağlı araşdırma aparılır.
