USAID Özəl Sektorun İnkişafı Layihəsi Lənkəran şəhərində çiyələkçilik üzrə iki Texniki Sertifikasiya Proqramının (TSP) məzunları üçün bağlanış mərasimi keçirib. Bu haqda məlumatı Cenublu.az bu gün, 28 fevral tarixində verir.
TSP üzrə imtahandan keçən 80-dən çox iştirakçıya sertifikatlar və yekun imtahanlarda ən yüksək nəticə göstərən 12 iştirakçıya hədiyyələr təqdim edilib.
Praktiki və nəzəri sessiyalardan ibarət olan, iki ay davam edən təlimlərdə iştirakçılar yüksək keyfiyyətli çiyələk məhsulunun yetişdirilməsi üçün texniki bilik və bacarıqlara yiyələnib, o cümlədən çiyələk istehsalı prosesinin əsas elementləri və istehsalda istifadə olunan ən müasir avadanlıqlar ilə tanış olub.
