Lənkəran şəhərində Səhiyyə Nazirliyi, Akademik Zərifə Əliyeva adına Milli Oftalmologiya Mərkəzi və Azərbaycan Oftalmoloqlar Cəmiyyətinin birgə təşkilatçılığı ilə Azərbaycan Retinoloqlarının 9-cu Konfransı keçirilib.
AZƏRTAC xəbər verir ki, elm və təcrübənin inteqrasiyası baxımından mühüm əhəmiyyət daşıyan bu tədbir oftalmologiya sahəsində çalışan mütəxəssisləri bir araya gətirib.
Konfransda respublikanın müxtəlif bölgələrindən olan göz həkimləri, retinoloqlar, tədqiqatçılar və tibb sahəsində fəaliyyət göstərən mütəxəssislər iştirak ediblər.
