Lənkəranda intihar hadisəsi baş verib. Bu haqda məlumatı Cenublu.az bu gün, 15 iyul tarixində Lent.az-a istinadən verir.
Hadisə Lənkəran şəhərində qeydə alınıb. Şəhər sakini, 30 yaşlı Ceyhun Süleymanzadə yaşadığı evdə özünü asıb. Onun asılmış meyitini ailə üzvləri aşkar ediblər.
İlkin məlumata görə, Ceyhun Süleymanzadə bir müddət əvvəl həyat yoldaşından ayrılıb. Onun ayrıldığı həyat yoldaşından 1 azyaşlı övladı olub.
İddia olunur ki, arvadının və övladının həsrətinə dözməyərək C.Süleymanzadə çoxlu spirtli içki qəbul etdikdən sonra özünü öldürüb.
Faktla bağlı Lənkəran Rayon Prokurorluğunda araşdırma aparılır.
