Lənkəranda tamah məqsədilə qadını öldürməkdə şübhəli bilinən şəxs saxlanılıb. Bu haqda məlumatı Cenublu.az bu gün, 20 fevral tarixində verir.
Lənkəran rayonu, Yuxarı Nüvədi kəndində evlərin birində 71 yaşlı Zümrüd Əliyevanın bıçaq xəsarətlərindən ölməsi barədə polisə məlumat daxil olub.
DİN-in mətbuat xidmətindən bildirilib ki, ilkin araşdırmalarla cinayət əməlinin tamah məqsədilə törədildiyi müəyyən edilib. Evdən 5000 manat pul və qızıl-zinət əşyaları talanıb.
Polis və prokurorluq əməkdaşları tərəfindən cinayəti törətməkdə şübhəli bilinən kənd sakini, 57 yaşlı Əminağa Quliyev tutularaq istintaqa təhvil verilib.
