Lənkəran rayonu, Yuxarı Nüvədi kəndində evlərin birində qətl hadisəsi baş verib. Bu haqda məlumat DİN-in mətbuat xidmətindən Cenublu.az-a bu gün, 17 fevral tarixində verilib.
Belə ki, polisə 71 yaşlı Zümrüd Əliyevanın bıçaq xəsarətlərindən ölməsi barədə məlumat daxil olub.
İlkin araşdırmalarla cinayət əməlinin tamah məqsədilə törədildiyi müəyyən edilib. Evdən 5000 manat pul və qızıl-zinət əşyaları talanıb.
Cinayəti törətməkdə şübhəli bilinən şəxsin, yaxud şəxslərin müəyyən olunub saxlanılması istiqamətində əməliyyat-axtarış tədbirləri görülür.
