Lənkəran şəhərində illərdir həllini tapmayan yol problemi sakinləri təngə gətirib.
Cenublu.az-a bununla bağlı şikayət daxil olub. Belə ki, Molla Baba Axund küçəsinin sakini Əliyeva Xoşqədəm xanım bildirib ki, sözügedən küçədə asfalt işləri yarımçıq saxlanılıb: “Bir neçə ay öncə asfaltlama işlərinə başlanılsa da, iş başa çatdırılmayıb. Çox istərdim ki, küçəmiz tam asfaltlansın”.
Xoşqədəm xanım aidiyyəti qurumlardan yolların abadlaşdırılması işlərinə biganə qalmamalarını və öz vəzifələrini layiqincə yerinə yetirmələrini xahiş edib.
