Lənkəran Dövlət Dram Teatrında Zəfər Günü münasibətilə yeni tamaşa teatrsevərlərə təqdim olunacaq.
Cenublu.az xəbər verir ki, yazıçı Qafar Cəfərlinin "Şəhid Bayrağı" pyesi əsasında hazırlanan eyniadlı tamaşa xalqımızın 44-günlük Vətən müharibəsindəki keçdiyi şanlı zəfər yolundan bəhs edir.
7 noyabr saat 15:00-da başlayacaq tamaşanın quruluşçu rejissoru Emil Əskərov, rəssamı Tərlan Sadıqov, musiqi tərtibatçısı Vüqar Fərəcov, rejissor assistenti Nuranə Nəcəfovadır.
Tamaşada rolları Əməkdar artist Sucəddin Mirzəyev, Prezident mükafatçısı Aynur Əhmədova, Miraslan Ağayev, Allahverən Babayev, Təranə Fərəcova, Buludxan Buludov, Saleh Əzimzadə, Məleykə Cəfərova, Zeynal Məmmədli ifa edirlər.
Qeyd edək ki, tamaşaya giriş pulsuzdur.
