Lənkəran Tarix-Diyarşünaslıq muzeyinə direktor təyin olunub. Bu haqda məlumatı Cenublu.az bu gün, 23 sentyabr tarixində verir.
Mədəniyyət naziri Adil Kərimlinin müvafiq sərəncamı ilə Leyla Qadir qızı Məcidova sözügedən vəzifəyə təyinat alıb.
Leyla Məcidova 8 avqust 1976-cı ildə Lənkəran rayonunun Səpnəkəran kəndində anadan olub. 1993-cü ildə Lənkəran rayonu Şürük kənd orta məktəbini bitirib. Lənkəran Dövlət Universitetinin Tarix fakültəsində təhsil alıb, eyni zamanda Ümumi dilçilik və xarici dillər kafedrasında laborant vəzifəsində çalışıb. 2002-ci ildə LDU-nun magistratura pilləsində Yeni və ən yeni tarix fakültəsini fərqlənmə diplomu ilə bitirib. Həmin ildən LDU-nun Tarix kafedrasında müəllim vəzifəsində çalışıb. Müəllim işləməklə bərabər, muzey işləri üzrə məsul şəxs kimi də çalışıb.
2019-cu il ildə Bakı Dövlət Universitetinin elmlər doktoru proqramı üzrə doktoranturasına daxil olub. Hazırda “Cənub bölgəsinin arxeoloji abidələrinin Azərbaycan tarixinin öyrənilməsində mənbə kimi” mövzusunda doktorluq dissertasiyası üzərində işləyir.
