Lənkəran şəhəri, Bala Məmməd küçəsindəki binalardan biri qəzalı vəziyyətdədir. Bununla bağlı sakinlər bu gün, 22 fevral tarixində Cenublu.az-a müraciət ediblər.
Belə ki, Bala Məmməd 4/2-nin sakinləri bildiriblər ki, yaşadıqları ikimərtəbəli bina 1985-ci ildə inşa olunub.
“2020-ci ildə binaya baxış keçirdilər, qəzalı olduğunu gördülər. Bildirdilər ki, yaxın zamanda söküləcək və bizi evlə təmin edəcəklər. Şəhərin mərkəzində bu şəraitdə yaşamağımız həm bizim üçün, həm ətraf üçün təhlükəlidir. İşdir zəlzələ olsa, bizi dağıntılar altında axtaracaqlar”, - deyə sakinlər bildiriblər.
