Heydər Əliyev Fondunun dəstəyi ilə Lənkəran şəhər M.Bağırov adına 1 nömrəli tam orta məktəbin binasının əsaslı təmirinə başlanılıb. Bu haqda məlumatı Cenublu.az bu gün, 31 yanvar tarixində Lənkəran-Astara Regional Təhsil İdarəsinə istinadən verir.
Hazırda Lənkərən şəhər M.Bağırov adına 1 nömrəli tam orta məktəbin qəzalı vəziyyətdə olan əvvəlki binasında söküntü işləri aparılır. Yeni məktəb binası birtipli layihə əsasında 800 yerlik olmaqla inşa ediləcək.
Qeyd edək ki, məktəbin yeni binasının növbəti tədris ili üçün istifadəyə verilməsi nəzərdə tutulub.
