Lənkəran Dövlət Dram Teatrının direktor vəzifəsini icra edən İntiqam Hacılının doğum günüdür. Bu haqda bu gün, 24 fevral tarixində Cenublu.az xəbər verir.
İntiqam Hacılı 24 fevral 1978-ci ildə Biləsuvar rayonunda dünyaya göz açıb. Onun ata-anası Lerik rayonunun Tikəband kəndindən əvvəlcə Lənkəran şəhərinə, bir müddət sonra isə Salyan rayonuna, oradan isə 1975-ci ildə Biləsuvar rayonuna gəliblər. Hacılı rus, ingilis və talış dillərini bilir.
Tələbə olduğu 1996-cı ildən 2022-ci ilin may ayına qədər Bakıda yaşayıb və fəaliyyət göstərib. Kinoprodüser kimi 2018-ci ildə Marsel Beynəlxalq Film Festivalının, 2021-ci ildə isə "Moskovskaya premyera" Kino Festivalının iştirakçısı olub.
2022-ci ilin 2 avqust tarixində - Milli Kino Günündə Azərbaycan Kinematoqrafçılar İttifaqı tərəfindən "Müstəqil kinonun inkişafındakı xidmətlərinə görə" nominasiyasında mükafatlandırılıb.
